A do të mungojë Pogba në Kampionatin Botëror 2022 në Katar?
Mesfushori francez, Paul Pogba, u kthye në Juventus sërish. Ai u paraqit vetëm në një miqësore për zonjën e vjetër dhe pastaj u lëndua në stërvitje. Isha në dyshime se sa do të mungojë francezi, por tani dihet se ai nuk do të hyjë në operim dhe pritet të luajë në Kupën e Botës 2022 në Katar.
Kthimi i tij në Juventus i zyrtarizua më 11 korrik, dhe menjëherë pas dy javëve pësoi lëndim në pjesën anësore të meniskut.
A është lëndim serioz ky që pësoi Pogba?
Dëmtimi që pësoi 29-vjeçari nuk hyn te lëndimet serioze, edhe se rikuperimi mund të bëhet i shpejt por edhe për vet faktin që ai doli nga fusha në këmbë të tij i shoqëruar nga stafi mjekësor.
Ai ishte i pranishëm në seancat e ardhshme të bardhëzinjve, teksa i shikoni si shikues bashkëlojtarët e tij duke stërvitur, ndërkohë që vet iu nënshtrohej disa testeve.
Shumë shpejtë u bë e ditur edhe rezultati i testeve, ku u mësua se Pogba do qëndrojë për disa kohë jashtë fushave të gjelbra, pasi që u zbulua se kishte dëmtuar indet e buta në gjurin e tij.
Njoftimi zyrtar i Juventusit
“Duke parë dhimbjet në këmbën e djathtë të Pogbas, ai iu nënshtrua testeve radiologjike dhe u mësua se ka dëmtuar indet e buta në meniskun anësor.
Në orët në vazhdim ai do të shoqërohet te ortopedi specialist. Si pasojë e tretmanit, ai nuk do të marrë pjesë në udhëtimin në Dallas.”
Për sa kohë do të jetë Pogba jashtë?
Sugjerimet e hershme pas testeve të para ishin se Pogba do të mungojë përafërsisht tre javë, që kishte lënë të kuptohet se nuk do të arrijë fillimin e kampionatit italian.
Ekzaminimet e mëvonshme treguan se ai duhet t’i nënshtrohet operacionit për të larguar në tërësi lëndimin.
Por trajneri i Juventusit, Massimiliano Allegri, konfirmoi se mesfushori nuk do të hyjë në operacion por do të rikuperohet me terapi konservative i cili është një trajtim mjekësor me qëllim shmangien e intervenimeve kirurgjikale.
Trajneri italian pret se ai do të kthehet brenda dy muajve.
“Nuk jam doktor. Çfarë mendoj rreth tij? Nuk mendoj fare, jam i mbështetur në vendimin që u mor e u tha.
Terapia konservative ka filluar, dhe ai do të jetë me ne brenda pesë apo gjashtë javëve. Duhet të kemi vetëbesim. Ky ishte vendimi, duhet të shohim a ishte i drejtë apo i gabuar.”
A do të luaj Pogba në Kampionat Botëror?
Me atë që tha Allegri, Pogba do të kthehet në aksion për gjashtë javë maksimumi, që kuptohet se ai do të jetë fit dhe i gatshëm për të luajtur në Kampionatin Botëror 2022 në Katar, i cili fillon në nëntor dhe mbaron në dhjetor.
Këto lajme janë të gëzueshme për Kombëtaren franceze, që do të udhëtojnë në Katar me vetëm një qëllim, që ta mbroj titullin e fituar para katër viteve në Rusia 2018.