Koci denoncon një rast të kontrollimit bizar që një burrë kosovar i bën gruas së tij me telefon
Avokati, Arianit Koci, në proflin e tij në Facebook, ka denocuar një rast të tmerrshëm, ku një burrë kosovar po e kontrollon në mënyrë bizare gruan e tij përmes telefonit.
Koci ka thënë se gruaja është e detyruar e detyruar nga burri i saj që sa është në vendin e punës ta lë telefonin hapur për të dëgjuar burri i saj.
Sipas Kocit, ajo telefonin duhet ta mbajë edhe gjatë kohës kur është në toalet.
“Burri maniak dhe i çmendur, në shoqëri dhe rreth njihet si njeri normal. Madje, edhe shitet si frajer e tip modern.”, ka shkruar Koci ndër të tjera në Facebook.
Nuk dihet nëse për rastin në fjalë janë njoftuar autoritetet e rendit dhe ligjit.
Reagimi i avokatit Koci:
Dhuna ndaj gruas, e sidomos ajo psiqike, te ne në Kosovë në disa raste është e paimagjinueshme.
Brutale dhe morbide.
Zonja, sa është në orar të punës, gjithë kohën duhet ta lerë linjën e hapur në viber.
Burri në anën tjetër të telefonit, dëgjon krejt çka po ndodhë në vendin e punës së gruas; me kend dhe çka po flet.
Madje, edhe në toalet, gruaja duhet ta ketë telefonin me vete.
Problem shumë i madh - fesatë, po i del zonjës, kur po ndalet rryma apo po ka probleme me interenet.
Për këtë kontrollim/komunikim burri ia ka blerë gruas, telefonin dhe numrin e veçantë.
P.s.
Burri maniak dhe i çmendur, në shoqëri dhe rreth njihet si njeri normal. Madje, edhe shitet si frajer e tip modern.
