Vuçiq: Na është kërkuar që ta pranojmë pavarësinë e Kosovës, por nuk do ta bëjmë një gjë të tillë

Presidenti i Serbisë, Aleksandar Vuçiq, sot ka pasur një sërë takimesh të rëndësishme.

Ai mori pjesë në seancën e Këshillit të Sigurisë Kombëtare, pas së cilës u takua me serbët e Kosovës, ndërsa më pas u takua me ambasadorët e vendeve të Kuintit, si dhe bisedoi me të ngarkuarin me punë të ambasadës kineze, dhe ambasadorin e Rusisë, Alexander Bocan - Kharchenko.

Vuçiq ka deklaruar se serbëve në Kosovë u është revokuar e drejta e votës dhe se është çështje e mbijetesës së serbëve, por edhe e sigurisë.

-"Biseduam për vendimin e shqiptarëve për të mos lejuar mbajtjen e zgjedhjeve më 3 prill dhe të gjitha pasojat e një akti të tillë.

Nuk është vetëm çështja nëse serbët do të mund të votojnë apo jo, apo kush do të ketë mbështetjen më të madhe, është çështje e sigurisë, mbijetesës politike dhe ekzistencës së atyre njerëzve. Ne u bëmë shumë lëshime shqiptarëve gjatë të gjitha negociatave dhe ata na kërkuan njohjen de facto të të ashtuquajturës Kosovë në këmbim të lejimit të serbëve të votojnë.

Shqiptarët kërkuan formulimin se “Qeveria e Serbisë kërkon nga Qeveria e Kosovës” për të mundësuar votimin. Serbia nuk do ta njohë të ashtuquajturën Kosovë dhe ne nuk mund ta pranojmë këtë. Nuk ka çmim të tillë dhe zgjedhje, nuk ka vota të humbura dhe dihet se kush humbet më shumë, nuk do të na lëkundin në vendimin për të mos njohur të ashtuquajturën Kosovë".

Vuçiq thotë se situata në Kosovë nuk ka qenë kurrë më e vështirë kur është fjala për pozitën e popullit serb.

"Kemi dhunë institucionale ndaj serbëve. Jemi në një pozitë gjithnjë e më të vështirë dita-ditës. Nëse ju them se kemi ardhur në atë situatë që të gjithë së bashku nuk shohim rrugëdalje veçse të largohemi nga institucionet, atëherë e dini se në çfarë gjendje kemi ardhur. Sot, pas bisedimeve me serbët nga Kosova, nuk kemi mundur të kemi aktivitete të koordinuara plotësisht. Ata më befasuan sot me disa nga propozimet e tyre radikale. Unë thashë se do të jem gjithmonë me ta, se kurrë nuk do ta kthej kokën nga njerëzit tanë në Kosovë. U kërkova që të numëronin deri në 10. Ata pothuajse njëzëri kërkuan jo vetëm që të tërhiqen menjëherë nga të gjitha institucionet, por edhe policët e veriut të lënë armët dhe të tërhiqen nga policia regjionale. Edhe njerëzit nga jugu, nën udhëheqjen e Jevtic, ishin dakord. Thjesht i pyeta se çfarë do të bënim pas. Barra financiare nuk është problem, por të nesërmen kam frikë se mund të hyjmë në rrethin vicioz të konflikteve të pafundme luftarake.

Kërkova durim dhe të vazhdojmë bisedën rreth datës 8 apo 9 prill. Ne do të përgatisim qendra të veçanta votimi për njerëzit nga Kosova në Serbinë qendrore, do të diskutojmë më shumë për këtë. E kuptoj peshën e pozitës së popullit tonë, nuk e dija se janë të gatshëm të sakrifikojnë të gjitha që kanë. I kam lutur të qëndrojnë në Kosovë, të ruajnë shtëpitë e tyre. U thashë se shteti do të jetë gjithmonë me ta, por shteti kërkon pak mirëkuptim. U kërkova durim, dhe ata ishin të drejtë të më besonin mua personalisht, nuk duan të flasin me të tjerët, do t'i kontaktoj përsëri. Do të shohim se çfarë mund të përballojmë financiarisht. Për këtë e informova vendete Quint-it. Shpresoj që ta dënojnë qartë sjelljen e Prishtinës. Ambasadori i Rusisë e kuptoi plotësisht, i ngarkuari me punë i Kinës kuptoi gjithçka që doja t'i thoja dhe e njoftoi menjëherë Pekinin".

Vuçiq ka paralajmëruar edhe mundësinë që serbët në Kosovë të organizojnë protesta për shkak të vendimit të Prishtinës.

"Pas kësaj kam biseduar sërish me përfaqësuesit e serbëve. E drejta juaj demokratike është të protestoni kundër autoriteteve të Prishtinës, këtë e kuptoj. Disa në rajon po luajnë një lojë të ndyrë rreth nesh. Ata duan të na paraqesin si kundërshtarë të qytetërimit perëndimor, që më pas të ekspozoheshin ndaj sanksioneve, presionit dhe shkatërrimit të plotë, për të na penguar të ndihmojmë popullin tonë.Është një kurth që duhet ta shmangim. Ne duhet të jemi të zgjuar, për të ruajtur paqen dhe stabilitetin. Është një veprim i koordinuar i Prishtinës, Zagrebit, një pjese të Podgoricës dhe një pjese të Sarajevës për të tërhequr Serbinë në konflikt. Për ta, Serbia nuk është kurrë shumë e vogël dhe e dobët për t'u sulmuar më pak. Ne do të vazhdojmë këto biseda. Dihet se kush do të mbante përgjegjësinë më të madhe për çdo gjë që do të mund të ndodhte. Më së paku na duhetln incidentet", ​​përfundoi Vuçiq.