Vuçeviq e luan pak "diplomatin": Sfidë kryesore e këtij viti është ruajtja e paqes
Ministri serb i mbrojtjes, Millosh Vuçeviq ka folur në kuadër të synimeve të regjimit të Vuçiqit për këtë vit kalendarik.
Në një intervistë dhënë medias pro këtij regjimi, Tanjug, Vuçeviq ka thënë se synim kryesor është ruajtja e paqes.
Veç kësaj, ai shtoi se do të angazhohen edhe më tepër në ushtri, duke e rritur buxhetin.
“Që oficerët tanë të krenohen kur veshin uniformën, të kenë nderin ta veshin, nuk është çështje iniciative legjislative, por e mjedisit të përgjithshëm dhe një marrëdhënie emocionale, jo vetëm një marrëdhënie ekonomike pragmatike, por edhe patriotike dhe sigurisht që ruajmë paqen dhe lirinë”, ka thënë Vuçeviq.
