“Të ardhurat financiare nuk m`i mbulojnë shpenzimet familjare”: Ushtari i FSK-së tregon pse e la uniformën
Gazeta Nacionale dje ka raportuar se vetëm në muajin tetor, Forca e Sigurisë së Kosovës është braktisur nga 21 ushtarë.
Gazeta Nacionale ka siguruar disa letra të dorëheqjes nga këta pjesëtarë.
Në letrat e tyre për demobilizim, ushtarët i kanë treguar arsyet e largimit.
Të gjithë kanë bërë me dije se uniformën po e lënë për arsye financiare.
Njëri prej ushtarëve, në letrën e demobilizimit ka shkruar se të ardhurat financiare nuk ia kanë mbuluar shpenzimet familjare.
“Kushtet financiare nuk kanë arritur të m`i mbulojnë shpenzimet për nevojat familjare”, është thënë në letrën e njërit prej ushtarëve që e ka lënë uniformen.
