Pritet edhe një takim tjetër Kurti – Vuçiq në Bruksel

Kryeministri i Kosovës, Albin Kurti, dhe presidenti i Serbisë, Aleksandar Vuçiq, do të takohen sërish sot në Bruksel.

Takimi do të jetë trepalësh bashkë me përfaqësuesit e BE-së.

Kështu po raporton Evropa e Lirë duke u bazuar në burimet e veta diplomatike.

Kjo do të jetë hera e parë që Kurti dhe Vuçiq do të takohen sërish brenda një dite në kuadër të bisedimeve në Bruksel.

Pak pas orës 10:30, Kurti dhe Vuçiq zhvilluan rundin e ri të bisedimeve, në prani të shefit të diplomacisë evropiane Borrell, dhe të dërguarit të BE-së për dialogun, Miroslav Lajçak.

Në ndërtesën e BE-së ku po zhvillohet dialogu, po qëndron edhe i dërguari i Shteteve të Bashkuara për Ballkanin Perëndimor, Gabriel Escobar.