Petkoviqi u tall me fjalët e Vjosa Osmanit, shefi i stafit të saj shpërthen: "Mos leh!"
Shefi i stafit të presidentes Vjosa Osmani, Blerim Vela, vazhdon të replikojë në Twitter me zyrtarë serbë duke eskaluar edhe në gjuhë.
Në postimin e fundit, ai i ka thënë drejtorit të së ashtuquajturës “Zyrë për Kosovën dhe Metohinë” në Qeverinë e Serbisë, Petar Petkoviqit, “mos leh” në gjuhën angleze.
Petkoviqi paraprakisht ishte tallur me presidenten Osmani dhe deklarimin e saj se Serbia po shkelte marrëveshjet e Brukselit.
“Kur Vjosa Osmani përmend shkeljet e Marrëveshjeve të Brukselit, ajo ndoshta i referohet Asociacionit të Komunave me Shumicë Serbe në Kosovë...” – kishte shkruar z. Petkoviq në postimin e tij.
Vela në anën tjetër, pretendoi që Serbia jo më larg se dje kishte shkelur nenin 4 të marrëveshjes së Brukselit që i kërkon asaj të mos kundërshtojë anëtarësimin e Kosovës në asnjë organizatë ndërkombëtare.
Ai po ashtu i numëroi shkeljet që pretendon se i ka bërë Serbia të marrëveshjeve, por nuk pati ndonjë përgjigje në lidhje me Asociacionin.
Postimet:
Petre, stop barking!
— Blerim Vela (@Blerim_Vela) April 25, 2023
Yesterday, Serbia violated article 4 of the Brussels agreement that clearly stipulates:
“Serbia will not object to Kosovo’s membership in any international organisation.”
Your vote against Kosovo’s application at Council of Europe should be penalized!
1/2 https://t.co/MYXMoZ40mj
