Petkoviqi edhe në Kosovë guxon të sulmojë me fjalor të papranueshëm kryeministrin Kurti

Drejtori i zyres famëkeqe për Kosovë dhe Metohi në Qeverinë e Serbisë, Petar Petkoviq, ka vazhduar me deklarata të papranueshme politike përkundër që po qëndron për vizitë në Kosovë.

Petkoviq që më herët u raportua se ndodhej edhe në Deçan, akuzoi Kurtin se kur fliste për serbët e Kosovës rritej numri i sulmeve ndaj tyre.

Kryeministri i vendit sot uroi besimtarët në Kosovë që po festojnë pashkët ortodokse duke thënë se do të vazhdonte të kujdesej për ta.

Por, Petkoviqi nuk e ka pritur aspak mirë këtë urim duke u shprehur me fjalët si vijon:

“Veç ju Albin Kurti mos u brengosni për serbët. Kur ju ‘brengoseni’ ne kemi dy herë më shumë sulme etnike, katër serbë, përfshirë fëmijë, ishin qëlluar, kishat dhe varret tona po përdhosen, dhe serbët po arrestohen pa prova. Serbët e kanë presidentin e tyre, Vuçiqin, që kujdeset për ta dhe ju ndihmon!” - shkroi z. Petkoviq.