Një rus që donte të pikturonte mbi grafitin "Vdekje Ukrainës" në Beograd u rrah nga serbët

Shtetasi rus Ilija Zernov ka paraqitur sot në Beograd një kallëzim penal kundër kryetarit të partisë së djathtë serbe, Misha Vaçiq për sulm fizik. Zernov u shfaq i shoqëruar nga avokati i tij Çedomir Stojkoviq. “Ilija u rrah në Beograd nga pesë sulmues derisa po luftonte kundër urrejtjes kombëtare, ndërsa po luftonte kundër grafiteve që thërrisnin për vdekje Ukrainës”, tha Stojkoviq.

"Ai u rrah nga një grup në të cilin ai identifikoi Misha Vaçiqin. Vaciq është lider i së djathtës serbe, por dihet gjithashtu se ai financohet drejtpërdrejt nga Rusia dhe regjimi i Vladimir Putin", shtoi Stojkoviç. Ai thotë se është e papranueshme që serbët në Serbi të rrahin rusët që ikën nga regjimi i Vladimir Putinit.

"Së pari një burrë më hodhi diçka nga dritarja"

Ai është i bindur se i riu nga Rusia do të bëhet “simbol i luftës serbe kundër presidentit rus”. Zernov ka thënë se është tronditur shumë kur ka parë grafitin “Vdekje Ukrainës” nën murale kushtuar Wagnerit dhe ka ndjerë nevojën për të rilyer murin, shkruan Nova.rs.

“Kur fillova të lyej murin, dëgjova një burrë që më gjuajti diçka nga dritarja, por nuk e kuptova dhe shpejt ai zbriti dhe erdhën dy burra të tjerë. Ata filluan të më kërcënojnë dhe unë u tregova pasaportën time që të mund të shikoni që isha rus dhe më pas u shfaq një burrë i katërt, i veshur me një maskë me imazhin e Putinit”.

"Më goditi në vesh dhe më shpoi daullen e veshit"

“Maska ishte transparente dhe jam shumë i sigurt se ishte Misha Vaciq dhe më kërcënoi me thikë, gjithsej pesë sulmues dhe njëri, i cili jam i sigurt se është Misha Vaciq, më goditi në vesh dhe e shpoi ne daulle”, përshkroi i riu sulmin.

Avokati Stojkoviq ka konfirmuar se kanë kërkuar nga Prokuroria që të bëjë identifikimin për t'u siguruar se Misha Vaçiq është autori i krimit. /Nacionale/