Mediumi serb: Vuçiq i kërkoi Orbanit të përdorë veton nëse BE vendos të vendosë sanksione për rastin Banjskë
Masa ndëshkuese për Serbinë nga bashkësia ndërkombetarë janë në shumë afër. Kjo pas tensionimit të marrëdhënieve për sulmin që rezultoi të ishte një plan i detajuar ushtarak për “aneksimin total të veriut” dhe ishte planifikuar që sulmi të kryhej nga gjithsejt 37 lokacione nga ku terroristët synonin t'i zinin.
Sipas mediumit serb, Nova.rs shpëtimtari i vetëm i Serbisë mund të jetë Hungaria, pra kryeministri Viktor Orban, të cilit presidenti serb Aleksandar Vuçiq në takimin e fundit i ka kërkuar të reagojë nëse në rendin e ditës në Bruksel janë sanksionet e mundshme ndaj Serbisë dhe ndaj tij personalisht.
Presidenti i Serbisë raportohet t’i ketë kërkuar mikut të tij hungarez që të shfrytëzojë të drejtën e vetos dhe të pengojë BE-në nga ndëshkimi i Serbisë në çfarëdo mënyre.
Vuçiq raportohet të ketë shfrytëzuar këtë takim në Beograd për të minimizuar pasojat e ngjarjeve në Kosovë në fund të shtatorit.
“Ai i kërkoi hapur Orbanit, me të cilin takohet më rregullisht se kurrë, që të ndikojë në vendimet e Bashkimit Evropian nëse ato janë të drejtuara kundër tij dhe qeverisë së tij. Konkretisht, Vuçiq i përmendi Orbanit se ai e di se po flitet për masa të mundshme kundër Serbisë. se me atë rast tashmë janë organizuar disa takime dhe se pret që Hungaria të reagojë dhe të vërë veton nëse votohet.Kryeministri i Hungarisë iu përgjigj se vendi i tij nuk pajtohet me politikën e sanksioneve dhe se për këtë arsye ai do të sigurisht të jetë kundër një vendimi të tillë”, ka thënë një burim për mediumin serb.
