Lëshimi pe i Kurtit për Ligjin për të Huajt, ShBA mirëpret “zgjidhjen e pranueshme nga të dyja palët”
- “Ne përgëzojmë angazhimin e palëve në këtë çështje për të arritur një zgjidhje të pranueshme nga të dyja palë.”
Pas takimit në Washington mes Peter Sorensen dhe Brendan Hanrahan, u theksua koordinimi mes BE-së dhe SHBA-së për dialogun.
Departamenti Amerikan i Shtetit konfirmoi se normalizimi i marrëdhënieve është thelbësor për paqen dhe stabilitetin rajonal.
“Normalizimi i marrëdhënieve midis Kosovës dhe Serbisë është thelbësor për paqen”, tha një zëdhënës i DASH për Gazetën Express.
Ai shtoi se Dialogu i Brukselit mbetet platforma kryesore për përparim ndërmjet Prishtinës dhe Beogradit.
“Shtetet e Bashkuara mirëpresin marrëveshjen për Ligjin për të Huajt”, deklaroi më tej zëdhënësi.
Sipas tij, angazhimi i palëve për zgjidhje të përbashkëta është hap pozitiv.
