Lajçak falënderon opozitën për mbështetjen ndaj dialogut
Emisari i posaçëm i Bashkimit Evropian për dialogun Kosovë - Serbi, Miroslav Lajçak sot është takuar edhe me opozitën.
Përmes një postimi në rrjetin social "Twitter" ai ka falënderuar përfaqësuesit e minorancës së Kuvendit të Kosovës për konstruktivitet.
”Në Kosovë sot u takova edhe me liderët e opozitës shqiptare të Kosovës për t’i informuar ata mbi Dialogun e lehtësuar nga BE-ja. E mirëprita mirëkuptimin dhe mbështetjen e tyre për Dialogun për normalizimin e marrëdhënieve, i cili është në interesin kombëtar për Kosovën”, shkroi ai.