Ish-zëvendëspresidenti republikan i ShBA-së do të votojë për Kamala Harrisin
Ish-zëvendëspresidenti amerikan dhe republikani i përjetshëm, Dick Cheney, ka konfirmuar se do të votojë për Kamala Harris, kandidate e Partisë Republikane, në zgjedhjet presidenciale të nëntorit.
Cheney, i parë si një figurë me ndikim gjatë presidencës së Xhorxh W Bush, lëshoi një deklaratë duke thënë se "nuk ka pasur kurrë një individ që është një kërcënim më i madh për republikën tonë sesa Donald Trump", kandidati aktual republikan, shkruan BBC.
Vajza e tij, ish-deputetja republikane Liz Cheney, i kishte thënë një auditori në Teksas më herët se babai i saj kishte në plan të mbështeste kandidatin demokrat.
"Ai [Trump] u përpoq të vidhte zgjedhjet e fundit duke përdorur gënjeshtra dhe dhunë për të mbajtur veten në pushtet pasi votuesit e kishin refuzuar", tha Cheney. "Atij nuk mund t'i besohet kurrë më pushteti."
