Haradinaj homazhe në Prekaz: Historisë së Kosovës së lirë dhe të pavarur, i dha vulë sakrifica sublime e familjes Jashari
Kryetari i AAK-së, Ramush Haradinaj, ka bërë homazhe në Prekaz me rastin e shënimit të 25 vjetorit të Epopesë së UÇK-së.
Haradinaj ka thënë se “historisë së Kosovës së lirë dhe të pavarur, i dha vulë sakrifica sublime e familjes Jashari në krye me Komandantin legjendar, Adem Jashari.”
Shkrimi i tij në Facebook:
Historisë së Kosovës së lirë dhe të pavarur, i dha vulë sakrifica sublime e familjes Jashari në krye me Komandantin legjendar, Adem Jashari. Ata dhanë gjithçka që ishte e tyre, për gjithçka çfarë kemi ne sot. Familja Jashari do të jetë përjetësisht e nderuar dhe frymëzimi më i madh i dashurisë për kombin.
Epopeja e UÇK-së, si ngjarja më kulmore e historisë sonë kombëtare është e skalitur me emrat e heronjve, dëshmorëve e martirëve tanë.
Përulemi përjetësisht para veprës së familjes Jashari dhe gjithë brezave që u flijuan për liri.
Lavdi!
