Franca hap spital fushor me dy salla operacione, 15 mjekë e 25 infermierë në Turqi
Një spital fushor francez është vënë në funksion në provincën turke, Adiyaman, e cila u godit nga tërmetet e fuqishme të javës së kaluar.
I vendosur në distriktin Golbasi, ky spital ka kapacitet për trajtimin e 100 pacientëve në ditë, raporton agjencia “Anadolu”.
Sipas ambasadorit francez në Turqi, Herve Magro, spitali do të jetë në funksion për të paktën 15 ditë.
“Ne do të qëndrojmë aq gjatë sa dëshirojnë autoritetet turke”- tha ai.
#Turquie | En réponse à la demande des autorités 🇹🇷 à la suite du séisme, un hôpital de campagne de la @SecCivileFrance a été déployé près de #Gaziantep. Il est opérationnel & permet d'accueillir jusqu'à 100 patients/jour
— France Diplomatie🇫🇷🇪🇺 (@francediplo) February 14, 2023
L'ambassadeur @Herve_Magro s'est rendu auprès des équipes pic.twitter.com/D52s8dC05T
Ky spital ka dy salla për operacione, një dhomë pune si dhe staf prej 15 mjekëve e 25 infermierëve, sipas kirurges Isabella Arnaud.
Më 6 shkurt, dy tërmete të fuqishme e goditën pjesën jugore të Turqisë. Epiqendra e tyre ishte në Kahramanmarash, por nga dridhjet u prekën edhe nëntë provinca të tjera.
Deri më tani, në Turqi raportohet për mbi 35 mijë e 400 të vdekur e mijëra të tjerë të lënduar. Ekipet e kërkim-shpëtimit kanë nxjerrë shumë njerëz të gjallë nga rrënojat edhe disa ditë pas tërmeteve.
Për shkak të fuqisë së madhe, tërmetet kanë shkaktuar viktima e dëme të mëdha materiale edhe në Sirinë fqinje, ku raportohet për më shumë se 3 mijë e 500 të vdekur.
