Franca do të dërgojë 12 obusa të tjerë në Ukrainë

Franca do të dërgojë në Ukrainë edhe 12 aviatorë shtesë, përveç 18 të dërguarve tashmë, njoftoi ministri francez i Mbrojtjes Sebastien Lecornu. Duke folur në një konferencë shtypi në Paris së bashku me homologun e tij ukrainas Oleksiy Reznikov, Lecornu tha se Danimarka është angazhuar gjithashtu t'i sigurojë Ukrainës 19 obusa të prodhimit francez.

Ministri francez tha se prioriteti i dytë është trajnimi i ushtarëve ukrainas dhe se 2000 prej tyre do të trajnohen në Francë deri në verë. Lecornu njoftoi gjithashtu një plan të ri për trajnimin e përbashkët të ushtarëve ukrainas me ushtrinë polake. “Mund të konfirmoj se 150 ushtarë francezë do të shkojnë në Poloni në fund të shkurtit për të trajnuar batalionet në bashkëpunim me Poloninë”, tha ai.

I pyetur nëse Franca do t'i dhuronte Ukrainës avionë luftarakë, ministri i mbrojtjes tha se çdo kërkesë duhet të plotësojë tre kritere: kërkesa për armë nuk duhet të zvogëlojë forcat mbrojtëse të Francës, se armët duhet të jenë të dobishme dhe të përdorshme në terren, dhe se ato përdoren vetëm për qëllime mbrojtëse. /Nacionale/