Elon Musk thotë se janë pothuajse 100 satelitë Starlink aktivë në Iran

Elon Musk, kreu i SpaceX, tha sot se kompania tani ka gati 100 satelitë aktivë të shërbimit të internetit Starlink në Iran, tre muaj pasi ai njoftoi në Twitter se do t'i aktivizonte ato atje mes protestave në vendin mysliman.

"Ne po i afrohemi shifrës prej 100 Starlinks aktive në Iran," shkroi Elon Musk në Twitter.

Miliarderi tha në shtator se do të aktivizonte satelitët Starlink në Iran si pjesë e përpjekjeve të SHBA-së për të "rritur lirinë e internetit dhe rrjedhën e lirë të informacionit" për iranianët.

Interneti me brez të gjerë, i ofruar nga satelitët, mund të ndihmojë iranianët të anashkalojnë kufizimet e qeverisë për aksesin në internet dhe disa media sociale në një kohë protestash mbarëkombëtare.

Republika Islamike u përfshi nga një valë protestash që shpërtheu pasi 22-vjeçari Mahsa Amini, i cili u arrestua nga policia për “veshje të papërshtatshme”, vdiq në paraburgimin e policisë në shtator. /Nacionale/