Edita Tahiri: Opozita ftohet për anulimin e marrëveshjeve të kaluara, por jo për marrëveshjen finale
Ish-kryenegociatorja e Kosovës në dialog me Serbinë, Edita Tahiri, përmes një shkrimi në llogarinë e saj në Facebook, ka kritikuar mospërfshirjen e opozitës në arritjen e marrëveshjes finale me Serbinë.
Tahiri ka thënë se qeveria po fton opozitën vetëm për t’i anuluar marrëveshjet e kaluara.
Sipas saj, kjo është “një qasje absurde e kësaj qeverie absurde”.
“Opozita ftohet për anulimin e marrëveshjeve të kaluara, por nuk ftohet për arritjen e marrëveshjes finale! Kjo është një qasje absurde e kësaj qeverie absurde, kurrë nuk është parë më herët”, - ka shkruar Tahiri.
