Dyshohet se ra nga një objekt, lëndohet një burrë në Fushë Kosovë
Një burrë në Fushë Kosovë ka pësuar lëndime trupore pasi dyshohet se ka rënë nga një objekt.
Lajmin për Nacionale e ka konfirmuar Zëdhënësja e Policisë për Rajonin e Prishtinës, Flora Ahmeti e cila ka thënë se rasti ka ndodhur rreth orës 13:40.
Ajo ka thënë se personi i lënduar është dërguar në QKUK.
Ahmeti tutje tha se në vendin e ngjarjes kanë dalë njësitet e nevojshme policore të cilët kanë filluar hetimet, në koordinim me prokurorinë dhe Inspektoratin e Punës.
“Sot rreth orës 13:40, kemi pranuar informatën se në rrugën "Gjergj Fishta" në Fushë Kosovë, një person (mashkull), ka pësuar lëndime trupore, i njëjti dyshohet se ka rënë prej një objekti. Personi i lënduar është dërguar për tretman mjekësor në QKUK. Në vendin e ngjarjes kanë dalë njësitet e nevojshme policore të cilët kanë filluar hetimet, në koordinim me prokurorinë dhe Inspektoratin e Punës”, ka thënë Ahmeti.
