Blerja e dronëve kamikazë iranianë nga Serbia "mund ta copëtojë Ballkanin": Instituti amerikan për Lindje Mesme del me një analizë

Instituti kërkimor me bazë në Uashington që trajton kryesisht çështje ushtarake me theks në Lindje të Mesme “Gulf Intenational Forum” ka shkruar rreth dronëve famëkeq iranian të njohur si “Kamikaz” apo edhe si “Shahed” dhe “Mohajer” dhe flirtimit të Serbisë me Tehranin për t’i blerë ato; duke shtjelluar perspektivën e të shtënit në dorë nga Beogradi këto armë armë vdekjeprurëse.

Rreziku për rajonin e Ballkanit Perëndimor do të ishte real, shtjellon instituti amerikan, derisa theksin e vë edhe në pjesn veriore të Kosovës si dhe zonat serbe në Bosnje-Hercegovinë.

Qysh në fillim të artikullit të titulluar “Dronët iranianë mund të coptojn Ballkanin” instituti amerikan shtjellon se “prodhimi vendas i dronëve të Iranit ka alarmuar Izraelin dhe aleatët e tjerë të ShBA-së, por çmimi i ulët dhe efektiviteti i demonstruar i këtyre dronëve në Ukrainë i kanë dhënë Teheranit një listë në rritje të klientëve të mundshëm në mbarë botën”.

Duke cituar të dhënat e shpaluara nga qeveria iraniane janë rreth 22 shtete që kanë dorëzuar kërkesa zyrtare për blerjen e këtyre dronëve, përfshirë Serbinë, Armeninë, Tajikistani, Algjeria dhe Venezuela”.

“Teherani tani është i angazhuar në sjellje oportuniste në rajone të brishta anembanë globit dhe Irani është përpjekur veçanërisht të tregtojë produktet e tij në Ballkan. I konsideruar historikisht si një nga rajonet më të paqëndrueshme në Evropë, Ballkani mund të përballet me një valë të re përshkallëzimi vdekjeprurës me hyrjen e dronëve iranianë në tregun lokal të armëve. Në veçanti, Irani është përpjekur të forcojë lidhjet e tij me Serbinë, e cila historikisht ka dominuar ish-Jugosllavinë”.

“Në dhjetor 2022, ministri i jashtëm iranian Hossein Amir-Abdollahian bëri një vizitë zyrtare në Beograd për të takuar presidentin serb Aleksandër Vuçiç. Vizita ishte një moment historik i rëndësishëm pasi theksoi shkallën në të cilën ambiciet e Teheranit shkojnë shumë përtej rajonit të Gjirit – dhe la të kuptohet mënyra se si rajoni i Ballkanit mund të mbetet i hapur për ndikimin iranian. Nëpërmjet eksporteve të tij të UAV-ve, Teherani ka sinjalizuar se është i aftë dhe i gatshëm të shfrytëzojë cenueshmërinë e rajonit për të çuar përpara qëllimet e veta”, shtjellohet më tej në artikull.

“Gulf International Forum” shprehet se Serbia është ngritur si blerësja më e madhe e armëve në rajon, ku rikujton blerjen e sistemeve kineze të dronëve CH-921 me rreze veprimi 250 kilometra në qershor të 2020, deris ashton se këto blerje “kanë ngritur konsiderueshëm aftësitë e policimit qiellor” të Serbisë.

Në dritë të kësaj, sa i përket shteteve të rajonit të Ballkaniut Perëndimor, instituti nga Uashingtoni vëren se Beogradi është “operuesi më i madh ushtarak i dronëve”.

“Gatishmëria e Beogradit për të blerë drone iraniane, e theksuar nga bisedimet e tij të fundit me Teheranin, ka ngjallur shqetësime në Evropë se Serbia mund të kryejë një ofensivë ushtarake kundër Kosovës, të cilën Beogradi vazhdon ta konsiderojë si një krahinë rebele dhe jo si një shtet të pavarur. Në këtë drejtim, depërtimet e Iranit në tregun serb të mbrojtjes do të prishnin ekuilibrin delikat afatgjatë në konfliktin e thyer, nëse është gjysmë i ngrirë. Çuditërisht, Beogradi ka mohuar zyrtarisht akuzat në lidhje me blerjen e dronëve iranianë, duke pretenduar se Irani nuk është ndër partnerët ushtarakë të Serbisë”, shkruan GIF.

“Largimi gradual perëndimor nga Ballkani dhe përkeqësimi i marrëdhënieve me Serbinë e kanë shtyrë qartë Beogradin drejt aksit në rritje Iran-Kinë-Rusi. Mosmarrëveshja midis Brukselit dhe Beogradit kulmoi me blerjen e fundit të konsiderueshme nga Serbia të armatimit të prodhuar nga Rusia, duke përfshirë avionë luftarakë Mig-29, helikopterë Mi-35 dhe Mi-17, tanke T-72MS dhe sisteme raketore anti-ajrore Pantsir S1. Për këtë arsye, Perëndimi duhet urgjentisht të rigjallëroj qasjen e tij ndaj rajonit të paqëndrueshëm të Ballkanit për të parandaluar ngurtësimin e kampeve pro-iraniane dhe proruse dhe për të shmangur katastrofën humanitare - dhe efektin e mundshëm të përhapjes - që mund të ndodhë si rezultat i një Ofensiva ushtarake serbe kundër Kosovës”, konkludohet në artikull.