Zelenskiy: Blerja e dronëve iranianë është dëshmi e falimentimit të Rusisë
Presidenti ukrainas Volodymyr Zelenskiy tha në fjalimin e tij sonte se blerja nga Rusia e dronëve kamikaze iraniane është dëshmi e falimentimit të saj ushtarak dhe politik.
“Duhet të kemi parasysh se vetë fakti i thirrjes së Rusisë për ndihmë ndaj Iranit është pranimi i Kremlinit për falimentimin e tij ushtarak dhe politik”, tha Zelenskiy.
"Kjo gjithsesi nuk do t'i ndihmojë ata strategjikisht," tha ai.
"Kjo vetëm më tej i dëshmon botës se Rusia është në rrugën e humbjes dhe se po përpiqet të përfshijë dikë tjetër si pjesëmarrës në terror," shtoi ai. /Nacionale/
