Vuçiq me ambasadorin rus për “sigurinë rajonale”, i shpreh "mirënjohje për mbështetje" Federatës Ruse

Presidenti i Serbisë, Aleksandar Vuçiq ka shprehur sërish “mirënjohje” ndaj Federatës Ruse për, siç është shprehur ai, “mbështetjen diplomatike në rrafshin ndërkombëtar në çështje të rëndësisë thelbësore për Serbinë”.

Këto komente Vuçiq i dha në një postim në Facebook pas një takimi me Ambasadorin e Federatës Ruse në Serbi, Aleksandar Boçan Harçenko.

“Folëm për çështje të interesit të përbashkët, në veçanti në fusha si tregtia, kultura dhe siguria rajonale”, shkroi Vuçiqi në Facebook.