Von Cramon: S`ka asnjë arsye që të mos jepet menjëherë liberalizimi i vizave

Raportuesja për Kosovën në Parlamentin Evropian, Viola Von Cramon, është habitur me shtyrjen e liberalizimit të vizave për Kosovës.

Në llogarinë e saj në “Twitter”, ajo ka shkruar se nuk ka asnjë arsye që të mos jepet menjëherë liberalizimi i vizave për qytetarët e Kosovës.

“Epo, pse vetëm nëntor 2023? Nuk ka asnjë arsye që të mos jepet menjëherë liberalizimi i vizave për qytetarët e Kosovës”, ka shkruar Von Cramon.

Sot është mbajtur diskutimi i dytë i Grupit Punues të Këshillit të Bashkimit Evropian për liberalizimin e vizave për Kosovën.

Përmes një njoftimi, Presidenca çeke ka njoftuar se ka pasur përparim në negociata.