Vdesin dy persona në Obiliq nga aksidenti mes një motoçiklete dhe një këmbësori
Të premten rreth orës 23:00, në Obiliq ka ndodhur një aksident i rëndë trafiku, ku dy persona kanë vdekur dhe një është lënduar .
Zëdhënësi i Policisë për rajonin e Prishtinës, Enis Pllana, ka bërë të ditur se në këtë aksident kanë qenë të përfshirë një motoçikletë dhe një këmbësor.
Pasagjeri dhe shoferi i motoçiletës kanë humbur jetën ndërsa këbësori ka pësuar lëndime.
“Mbrëmë rreth orës 23:00, Policia ka pranuar informatën se në Obiliq ka ndodhur një aksident trafiku me pasoja fatale. Në aksident ka qenë e përfshirë një motoçikletë dhe një këmbësor. Si pasojë e lëndimeve të marra, shoferi dhe pasagjeri i motoçikletës kanë humbur jetën, kurse këmbësori ka pësuar lëndime dhe ka pranuar trajtim mjekësor”, ka deklaruar Pllana.
