Ukraina aplikon zyrtarisht për anëtarësim në NATO "nën një procedurë të përshpejtuar"
Presidenti ukrainas Volodymyr Zelensky tha të premten se vendi i tij po aplikon “nën një procedurë të përshpejtuar” për t'u bërë anëtar i Organizatës së Traktatit të Atlantikut të Veriut.
Ai nënshkroi kërkesën e Ukrainës së bashku me Kryetarin e Parlamentit Ruslan Stefanchuk dhe kryeministrin Denys Shmygal.
“Është këtu, në Ukrainë, që vlerat e komunitetit tonë euro-atlantik kanë marrë energji të vërtetë jetike. Forca e kombit që lufton për liri dhe forca e kombeve që ndihmojnë në këtë luftë,” tha Zelensky.
Ai shtoi se "de fakto, Ukraina tashmë kishte përfunduar rrugën" drejt NATO-s.
“Sot, Ukraina po aplikon për ta bërë atë de jure. Nën një procedurë në përputhje me rëndësinë tonë për mbrojtjen e të gjithë komunitetit tonë, në një procedurë të përshpejtuar”, tha ai.
Zelensky tha se ai e kuptonte se pranimi do të kërkonte konsensus të anëtarëve të NATO-s.
“Dhe për këtë arsye, ndërkohë që kjo po ndodh, ne ofrojmë të zbatojmë propozimet tona në lidhje me garancitë e sigurisë për Ukrainën dhe të gjithë Evropën në përputhje me Kompaktin e Sigurisë së Kievit, i cili u zhvillua dhe iu prezantua partnerëve tanë.”
