"Thërret Ademi Zahir bre vlla" - si e festonin Vitin e Ri komandantët legjendarë të UÇK-së?
Kanë mbetur diçka më pak se 150 minuta deri në ndërrimin e motmoteve.
Nga foto të shumta që janë duke qarkulluar aktualisht në platformat sociale, është parë edhe ajo e festës së kësaj date edhe nga ish-komandantët Adem Jashari e Zahir Pajaziti.
Përderisa ajo e para ishte publikuar edhe më parë, kjo e komandantit "llapian" shihej më rrallë, për të mos thënë fare.
Të dy shihen duke festuar me pijet respektive alkoolike, ndërsa me patjetër se nuk mungonin edhe vargjet patriotike.
Kujtojmë ndërkaq, se deri më tani, shumica e krerëve shtetërorë, kanë përçuar mesazhet e tyre të urimit.
