Të paktën tre të vdekur pas bombardimeve ruse në rajonin lindor të Donetskut
Zyrtarët ukrainas kanë bërë të ditur se të paktën tre civilë ukrainas janë vrarë dhe 13 të tjerë janë plagosur nga breshëritë e artilerisë nga ushtria ruse në rajonin lindor të Donetskut ditën e hënë.
Sipas Reuters sulmet kanë dëmtuar dhjetëra ndërtesa banimi dhe infrastrukturë civile.
Rajoni lindor i Donetskut - një nga dy provincat që përbëjnë qendrën industriale të Donbasit që ka qenë në fokus të një ofensive ruse – kohët e fundit është përballur me granatimet më intensive.
