Sot mbahet seanca ndaj të dyshuarve që sulmuan kryetarin e Pejës
Sot do të mbahet seanca ndaj dy të dyshuarve për sulm ndaj kryetarit të Pejës, Gazmend Muhaxheri.
Zëdhënësi i Prokurorisë Themelore të Pejës, Shkodran Nikçi, ka bërë të ditur për Klankosova.tv se kanë bërë kërkesën për caktimin e masës së paraburgimit.
“Personat në fjalë akuzohen për veprat penale ‘sulm ndaj personit zyrtar’ dhe ‘lëndim i lehtë trupor'”, ka thënë Nikçi.
Kujtojmë se Muhaxheri u sulmua nga dy persona të shtunën. Pas sulmit, Muhaxheri ka publikuar një fotografi, ku ka treguar se është shëndosh e mirë.
