Sorensen me Gjuriqin flasin “për rëndësinë e zbatimit të Marrëveshjes së Ohrit”
Lehtësuesi i dialogut Kosovë – Serbi, Peter Sorensen, njoftoi për takim me Ministrin e Jashtëm të Serbisë, Marko Gjuriq, me të cilin, siç shkruan ai në “X,” folën për zbatimin e marrëveshjeve të arritura në kuadër të dialogut të Brukselit.
Sorensen shkroi se me Gjuriqin folën “për zbatimin e të gjitha marrëveshjeve, përfshirë Marrëveshjen e Ohrit të 2023-ës.”
‘’U takova me @markodjuric. Diskutuam rëndësinë e angazhimit të vazhdueshëm në Dialogun e ndërmjetësuar nga 🇪🇺 për zbatimin e të gjitha marrëveshjeve, përfshirë Marrëveshjen e Ohrit të vitit 2023, si dhe për avancimin e normalizimit ekonomik që përmirëson jetën e përditshme të qytetarëve.’’, ka shkruar ai.
Met with @markodjuric. We discussed the importance of sustained engagement in the 🇪🇺-facilitated Dialogue to implement all agreements, including the 2023 Ohrid Agreement, and to advance economic normalisation that improves the daily lives of people. pic.twitter.com/fqg6TViE7m
— EUSR for Belgrade-Pristina Dialogue (@EUSR_Dialogue) July 4, 2026
