Skandaloze: Një grua abuzohet psiqikisht e fizikisht në mes të emisionit
Është një nga emisionet më të shikuara. Megjithatë, përmbajtja e tij lë shumë për të dëshiruar.
Bëhet fjalë për "It's my home", emision në një nga televizionet private kosovare, që për synim ka mbledhjen e burrave e grave për të diskutuar për tema të ndryshme, në veçanti për dashurinë.
Megjithatë, dashuria është epiteti i fundit që mund t'i mvishet pas ngjarjeve të sotme.
Madje, nga videot e shpërndara është parë se njëra prej banoreve aty është abuzuar psiqikisht e fizikisht.
Siç ka raportuar Indeksonline ndërkaq, Policia e Kosovës veçse ka marrë rrugë për në televizionin privat, me siguri për të mësuar më shumë rreth këtyre rrjedhave.
Kujtojmë kjo skenë, e bërë virale në shumicën e platformave sociale është kritikuar ashpër, pasi ka sjellje të ndaluar, e lehtë të dënueshme.
Gjithsesi, mbetet të shihet ditëve në vijim nëse do të ketë ndonjë gjë më konkrete rreth këtij rasti.