Shtëpia e Bardhë s'thotë nëse ka mekanizma zbatimi për të parandaluar Rusinë që të shkelë armëpushimin e propozuar

Shtëpia e Bardhë s’tregon nëse ka mekanizma zbatimi për të parandaluar Rusinë që të shkelë armëpushimin e propozuar

Shtëpia e Bardhë sot refuzoi të thoshte nëse administrata Trump ka ndonjë mekanizëm zbatimi në rast se Rusia shkel një armëpushim të propozuar nga SHBA me Ukrainën, shkruan CNN.

“Epo, kjo është qartësisht një pyetje hipotetike e madhe për të cilën nuk do të komentoj, sepse nuk jemi ende aty,” u tha gazetarëve sekretarja e shtypit e Shtëpisë së Bardhë, Karoline Leavitt, pas një interviste në Fox.

“Situata aktuale është se ukrainasit kanë rënë dakord për një armëpushim, ukrainasit kanë rënë dakord për planin e paqes që u vendos në tryezë dje në Arabinë Saudite nga sekretari i shtetit dhe këshilltari ynë për sigurinë kombëtare, me të cilët sapo fola para se të dilja këtu,” tha ajo.