Rusia tërheq trupat nga qyteti ukrainas Lyman
Rusia tha të shtunën se ka tërhequr trupat e saj nga qyteti dikur i pushtuar i Lyman, ndërsa kundërofensiva lindore e Ukrainës ka rimarrë më shumë territor.
Njoftimi u bë nga agjencitë ruse të lajmeve Tass dhe RIA, duke cituar ministrinë ruse të Mbrojtjes.
Lyman ndodhet 160 kilometra në juglindje të Kharkiv, qyteti i dytë më i madh i Ukrainës.
Si një qendër kryesore transporti, qyteti kishte qenë një vend i rëndësishëm në vijën e frontit rus si për komunikimet tokësore ashtu edhe për logjistikën. Tani me tërheqjen e trupave rusë, Ukraina mund të shkojë më tej potencialisht në rajonin e pushtuar të Luhanskut.
