Putin u ofron shtetësi ruse të huajve që duan të luftojnë për Rusinë
Ditën e shtunë presidenti rus Vladimir Putin ka nënshkruar një ligj që do ta bëjë më të lehtë aplikimin për shtetësi ruse të huajve që duan të shërbejnë në ushtrinë e vendit.
Sipas ligjit, i cili u publikua në portalin zyrtar shtetëror të informacionit juridik, të huajt që shërbejnë në ushtrinë ruse tani mund të aplikojnë për shtetësi pa paraqitur një leje qëndrimi, siç kërkohej më parë.
Ata të huaj që kanë nënshkruar kontratë me Forcat e Armatosura Ruse për të paktën një vit do të kenë të drejtë për procedurën, sipas ndryshimeve të bëra në ligjin “Për shtetësinë e Federatës Ruse”.
Lëvizja vjen pasi Putini njoftoi një "mobilizim të pjesshëm" këtë javë dhe Moska kërkon të plotësojë forcat e varfëruara pas një kundërofensive të suksesshme nga Kievi.
