Policia konfirmon aksionin në Mitrovicën e Veriut dhe në atë të Jugut: Ka të bëjë me kontrabandimin e armëve e municonit
Policia e Kosovës ka konfirmuar se në veri të vendit dhe në Mitrovicën e Jugut po realizohet një operacion policor.
Sipas zëdhënësit Baki Kelani, operacioni ka të bëjë me luftimin e kontrabandimit të armëve dhe municionit.
Deri më tani, nuk ka detaje të tjera rreth rastit.
“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente, ka filluar realizimin e një operacioni policor i cili përfshinë dy rajone të Kosovës, atë DRP Mitrovicë Jugu dhe DRP Mitrovicë Veri.
Operacioni policor ka të bëjë me luftimin e veprimtarive kriminale, të kontrabandimit me armë dhe municion. Pas përfundimit të operacionit policor, do të bëhen publike informacione shtesë” – ka konfirmuar ai.
