Policia arreston dy persona në Vushtrri dhe konfiskon mbi një mijë euro nën dyshim të organizimit të lojërave të fatit

Dy persona janë arrestuar në Vushtrri, në rrugën “Hamdi Ferati” nën dyshimin se në një lokal kanë ofruar organizimin e lojërave të fatit.

Në raportin 24-orësh të Policisë së Kosocës, thuhet se njësitë relevante të Policisë në vend kanë sekuestruar 1 mijë e 90 euro para të gatshme, një telefon dhe një kompjuter me q’rast dyshohen se janë përdorur për organizimin e lojërave të fatit (online).

Ne raport poashtu thuhet se në lidhje me rastin është kontaktuar prokurori i shtetit i cili ka udhëzuar që të dyshuarit pas intervistimit të lirohen dhe rasti të procedohet në procedurë të rregullt.

“Rasti nën hetime”, përfundon raporti i PK-së.