Përmbytje të forta në Pakistan, evakuohen dhjetëra mijëra njerëz
Dhjetëra mijëra njerëz u detyruan të linin shtëpitë e tyre në veri të Pakistanit për shkak të përmbytjeve të mëdha. Përmbytjet e mëdha në provincën veriore të Khyber Pakhtunkhwa rrënuan një urë të madhe, duke lënë shumë pa akses në rrugë.
Në rrjedhën e poshtme, frika nga përmbytjet detyroi rreth 180,000 njerëz të largoheshin nga shtëpitë e tyre. Shirat dhe përmbytjet historike të musonit të Pakistanit kanë prekur më shumë se 30 milionë njerëz në javët e fundit, tha ministri i ndryshimit të klimës së vendit, duke e quajtur situatën një "katastrofë humanitare të shkaktuar nga klima me përmasa epike".
Pakistan 🇵🇰 flood disaster
— Scott Duncan (@ScottDuncanWX) August 27, 2022
National emergency declared. Some officials are comparing monsoonal rains this year to 2010 - the worst flood year on record where nearly 20% of the country became submerged. This is impacting over 30,000,000 people right now.pic.twitter.com/VjZVHVEZpm
Turqia dërgoi ndihma
Ushtria iu bashkua autoriteteve shtetërore dhe provinciale për të ndihmuar qytetarët dhe shefi i ushtrisë pakistaneze vizitoi provincën jugore të Balochistanit. "Populli i Pakistanit është prioriteti ynë dhe ne do të punojmë shumë në këto kohë të vështira", tha komandanti Qamar Javed Bajwa.
Udhëheqësit pakistanezë i janë drejtuar bashkësisë ndërkombëtare për ndihmë dhe planifikojnë të hapin një fond ndërkombëtar. Ministria e Jashtme tha se Turqia kishte dërguar një ekip për të ndihmuar në përpjekjet e shpëtimit. /Nacionale/
