Pacolli, presidentes Osmani: Ndaleni fushatën linçuese ndaj meje, paraqitni provat
Ish-presidenti i Kosovës, Behgjet Pacolli, në një reagim në Facebook, ka kritikuar presidenten Vjosa Osmani, duke akuzuar institucionin e saj se po zhvillon një “fushatë linçimi dhe dezinformimi” ndaj tij.
Pacolli shprehu shqetësimin e tij se është fyer vazhdimisht duke u etiketuar si "serbofil" dhe "rusofil".
Ai theksoi se pretendime të tilla të pabaza jo vetëm që rrezikojnë sigurinë e tij dhe të familjes së tij, por edhe kontribuojnë në polarizimin e vazhdueshëm brenda vendit.
