Pacolli i tronditur me vrasjen e gruas së ish-këshilltarit të tij: E ndaj dhimbjen me familjet e të ndjerës
Deputeti Behgjet Pacolli është tronditur nga vrasja e gruas së ish-këshilltarit të tij, Naim Murseli.
Në profilin e tij në “Facebook”, ai ka shkruar se dhimbjen e ndan me dy familjet e të ndjerës.
“Lajm i tmerrshëm për tragjedinë në familjen e Naim Murselit. Dhimbjen e ndaj me dy familjet e të ndjerës Liridona!”, ka shkruar Pacolli.
Policia e Kosovës ka bërë me dije se vrasja ka ndodhur mbrëmë pas orës 20.
“Rreth orës 20:20, kemi pranuar informatën për të shtëna me armë në rrugën "Dalip Alshiqi" në Prishtinë. Policia si dhe mjekët emergjent, menjëherë kanë dalë në vendin e ngjarjes, ku në një veturë kanë hasë një person pa shenja jete. Vdekjen e viktimës (femër) e ka konstatuar ekipi mjekësor në vendin e ngjarjes. Mbështetur në informacionet e para, dyshohet se bëhet fjalë për vrasje me armë zjarri. Policia në koordinim me prokurorinë, ka nisur hetim dhe ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, ka thënë ka thënë zëdhënësja e Policisë së Kosovës, Flora Ahmeti.
