Mungesa e energjisë elektrike, zyrtarja e LDK-së: Pa rrymë e mbyllëm vitin 2024, pa rrymë e hapëm vitin 2025
Kandidatja e LDK-së për deputete, Mirlinda Krasniqi, ka treguar se një pjesë e Fushë-Kosovës pa rrymë e ka mbyllur vitin 2024 dhe pa rrymë e ka hapur vitin 2025.
Ajo ka thënë se Qeveria Kurti nuk po lejon që qytetarët ta fillojnë mbarë vitin.
Në profilin e saj në “Facebook”, ajo ka shkruar se deri më 9 shkurt, qytetarët nuk do të marrin lajme të mira.
“Mendova me fillu vitin mbare, ama pike ndryshimi nuk ka! Pa rryme e lash vitin pa rryme vazhdum edhe sot! Deri me 9 shkurt lajm te mire skom me mar, qita e di sigurt”, ka shkruar Krasniqi.
Krasniqi është këshilltare komunale në Fushë-Kosovë, kurse në listën zgjedhore të LDK-së e mban numrin 51.
