Marrëveshja e mundshme ShBA-Iran pritet të finalizohet brenda “24 orëve të ardhshme”, thotë kryeministri i Pakistanit

Termat e një marrëveshjeje të mundshme që mund t’i japë fund luftës midis SHBA-së dhe Iranit ende po bëhen të qarta, por një nga ndërmjetësit kryesorë të saj sinjalizoi sot se një marrëveshje mund të finalizohet brenda “24 orëve të ardhshme”.

“Jemi më afër se kurrë një marrëveshjeje paqeje,” tha Kryeministri i Pakistanit, Shehbaz Sharif, në një postim në X pak më parë, duke shtuar se, nëse marrëveshja finalizohet, ajo do të nënshkruhet menjëherë në mënyrë elektronike.

Nëse marrëveshja nënshkruhet, ajo do të pasohet nga “bisedime në nivel teknik javën e ardhshme”, tha Sharif.

CNN ka kontaktuar Shtëpinë e Bardhë për koment.

“Ne jemi të bindur se kjo marrëveshje historike paqeje do të krijojë një bazë të fortë për paqe të qëndrueshme,” tha Sharif.