Kurti: Nëse Serbia vazhdon të lëshojë dokumente, detyrohemi edhe ne
Kryemininstri i Kosovës, Albin Kurti ka thënë se nëse Serbia vazhdon të lëshojë dokumente, atëherë do të detyrohet edhe Kosova.
Këto deklarime i bëri në një paraqitje para mediave, duke shtuar se nga 1 shtatori nuk do të ketë dokumente përcjellëse.
“Nuk ka dokumente përcjellëse, pra vetëm tregohet karta e identitetit dhe do të duhej që qytetari i Kosovës kur kalon nëpër Serbi ta bëjë këtë lirisht pa marrë asnjë dokument tjetër. Njësoj kalon edhe ai i Serbisë, siç ka qenë edhe më herët realisht.
Për shkak se u vendos reciprociteti, nuk ka nevojë të japim dokumente. Nëse, teorikisht e rastësisht, Serbia vazhdon të lëshojë dokumente të tilla, atëherë detyrohemi që edhe ne, në bazë të parimit të reciprocitetit, ta vendosim edhe ne dokumentin e hyrje-daljes”, ka thënë Kurti.