Kim Jong-uni ishte seriozisht i sëmurë gjatë pandemisë, thotë motra e tij

Koreja Veriore ka shpallur “fitore shkëlqyese” në betejën me koronavirusin. Motra e liderit të vendit, Kim Jong-un, tha se ai ishte në mesin e personave të infektuara.

Duke folur në një takim me punëtorët shëndetësorë dhe shkencëtarët në kryeqytetin e Koresë Veriore, Piongiang, Kimi bëri thirrje që masat kufizuese të lehtësohen dhe e përshkroi shifrën zyrtare të viktimave – 74 – si “mrekulli e pashembullt në historinë e komunitetit shëndetësor botëror”, raportuan mediet shtetërore të enjten.

“Fitorja e siguruar nga populli ynë është një ngjarje historike që edhe një herë ia dëshmoi botës madhështinë e shtetit tonë, vendosmërinë e paepur të popullit tonë dhe traditat e bukura kombëtare, me të cilat jemi krenarë”, tha Kim Jong-uni.

Motra e tij, Kim Yo-jong, tha: “Ndonëse ishte seriozisht i sëmurë me temperaturë të lartë, ai nuk mund të shtrihej për asnjë moment duke menduar për popullin për të cilin duhej të përkujdesej deri në fund në luftën kundër pandemisë.”