Kica-Xhelili e konfirmon se do të japë dorëheqje nga Komisioni për Administratë Publike
Deputetja më e re e Lidhjes Demokratike të Kosovës, Doarsa Kica-Xhelili, ka pranuar se do të japë dorëheqje nga Komisioni për Administratë Publike, komision të cilin e ka udhëhequr deri më tani, por nën siglën e koalicionit VV-Lista Guxo.
Këto deklarime ajo i bëri në Klan Kosova, teksa shtoi se ka pasë zyre në Kuvend, me ç'rast ka ofruar edhe t'i kopjojë çelësat e zyres dhe si Guxo të takohen e të qëndrojnë si iniciativë politike.
“Unë personalisht e kam ofruar edhe zyrën time në Kuvendin e Kosovës meqenëse unë kam kryesuar Komisionin për Administratë Publike dhe tani do të jap dorëheqje nga i njëjti. Por kam pasur zyrën në kuvend dhe kam ofruar edhe t’i kopjojë çelësat e zyrës që si Guxo të takohemi dhe si të qëndrojmë si iniciativë politike” tha Kica-Xhelili.
