Ishte sulmuar fizikisht para katër ditëve, vdes nga lëndimet një burrë në Shtërpcë
Policia e Kosovës ka bërë të ditur se ka vdekur personi që po trajtohej nga lëndimet që kishte marrë më 8 dhjetor si pasojë e një sulmi fizik nga një burrë tjetër në Shtërpcë.
Policia ka konfirmuar se ka arrestuar të dyshuarin dhe i njëjti është dërguar në mbajtje.
Raporti i plotë:
LËNDIM I RËNDË TRUPOR ME PASOJË VDEKJE
Shtërpcë / 10.12.2023 – 17:00. Është arrestuar i dyshuari mashkull kosovar pasi që më datë 08.12.2023 kishte sulmuar fizikisht viktimën mashkull kosovar. Viktima ka qenë në tretman mjekësor dhe më datë 12.12.2023 është konfirmuar se si pasojë e lëndimeve viktima ka ndërruar jetë. Me vendim të prokurorit, i dyshuari është dërguar në mbajtje.
