Hoxhaj i reagon Rizvanollit: Qeveria Kurti në vazhdimësi ka refuzuar projekte strategjike të rrymës - NACIONALE
NACIONALE

Hoxhaj i reagon Rizvanollit: Qeveria Kurti në vazhdimësi ka refuzuar projekte strategjike të rrymës

2 orë më parë

nga NACIONALE

Ish-kryediplomati Enver Hoxhaj i ka reaguar ministres në detyrë, Artane Rizvanolli, lidhur me gazin amerikan.

Rizvanolli tha sot se Qeveria nuk po e refuzon gazin amerikan, por se Kosova ka rezerva të qymyrit që i garantojnë, sipas saj, energji të lirë, edhe pse deri më tani Kosova ka importuar me shumicë energji elektrike, ndërsa qytetarëve u ka kushtuar me shtrenjtim të rrymës.

Hoxhaj, në reagimin e tij, tha se Qeveria Kurti në vazhdimësi ka refuzuar projekte strategjike në sektorin e energjisë.

“Më 2019, Qeveria Kurti anuloi projektin e Kosovës me ContourGlobal. Më 2021, refuzoi projektin amerikan të gazit, të mbështetur nga SHBA. Sot po refuzon edhe një mundësi tjetër për t’u kyçur në korridoret e gazit amerikan, duke u rikthyer sërish te i njëjti argument: qymyri”, ka shkruar Hoxhaj.

Reagimi i plotë i Hoxhajt:

Me 2019, Qeveria Kurti anuloi projektin e Kosovës me ContourGlobal. Me 2021, refuzoi projektin amerikan të gazit të mbështetur nga SHBA. Sot, po refuzon edhe një mundësi tjetër për t'u kyçur në korridoret e gazit amerikan, duke u rikthyer sërish te i njëjti argument, qymyri.
Pavarësia energjetike është një domosdoshmëri ekonomike për zhvillimin e vendit, por edhe domosdoshmëri gjeopolitike për ta mbajtur SHBA-në të angazhuar në Kosovë. Këtë e kanë kuptuar të gjitha vendet e Ballkanit dhe Evropës. Edhe Serbia po lidhet me korridoret e gazit të lëngshëm (LNG), ndërsa Kosova vazhdon të izolohet me vendime të gabuara politike.
Kosovës nuk i duhen arsyetime pse nuk lidhet me gazin amerikan. Kosovës i duhet vizion dhe vendimmarrje strategjike për t'u bërë pjesë e tij.
Tjera:

Lajme të ngjashme