Hoti: Shpreh keqardhje dhe dënoj tentim atentatin ndaj presidentit Trump

Deputeti i LDK-së, Avdullah Hoti, ka dënuar tentim atentatin ndaj ish-presidentit dhe kandidati amerikan, Donald Trump.

Hoti ka thënë se i vjen mirë që Trump është mirë dhe nuk mori lëndime serioze.

Më tej, ai ka thënë se dhuna politike nuk duhet toleruar dhe se demokracia duhet të mbrohet me çdo kusht.

Shkrimi i tij:

Shpreh keqardhje dhe dënoj tentim atentatin ndaj Presidentit Trump. Më vjen shumë mirë që ai është mirë dhe pa lëndime serioze. Lutem për familjen personit që u vra dhe personit që u plagos gjatë tubimit.

Dhuna politike nuk duhet toleruar. Demokracia duhet mbrojtur me çdo kusht. Raste të tilla na tregojnë se asnjë demokraci, sado e konsoliduar që është, nuk është e pacenueshme.

Është inspiruese dhe leksion për të gjithë bashkimi i skenës politike në Amerikë në dënimin e sulmit dhe në vendosmërinë për mbrojtje të fjalës së lirë dhe demokracisë.