Hoti ia kujton Kutit premtimet për sportin: Asnjë prej tyre s’u realizuan, shumë nga to as nuk kanë nisur

Deputeti i Lidhjes Demokratike të Kosovës, Avdullah Hoti i ka kujtuar kryeministrit Albin Kurti premtimet elektorale në sport.

Hoti në një shkrim në rrjetin social Facebook, ka përmendur disa prej këtyre premtimeve.

“1. Ndërtimi i Stadiumit Nacional;

2. Ndërtimi i Pishinës Olimpike;

3. Ndërtimi i Qendrës Multifunksionale;

4. Sporti – Prioritet shtetëror;

5. Financimi i qendrave multifunksionale sportive (çdo vit me nga 15 milionë euro);

6. Renovimin e sallave dhe terreneve sportive ekzistuese;

7. Programe për trajnimin dhe zhvillimin e trajnerëve;

8. Program për mbështetjen e shkollave të sportit.”

Hoti ka thënë se asnjë nga këto premtime nuk është realizuar, dhe se shumë prej tyre, as nuk kanë nisur.

“Tendenca për të marrë merita nga suksesi i sportistëve tanë në lojërat olimpike pa bërë asgjë është akt mashtrimi.” – ka shkruar ai në fund.