Grenell i ashpër me Kurtin: Nëse do që amerikanët të mbrojnë sigurinë e rajonit me NATO-n, t'i ndalojë lëvizjet e njëanshme
Ish-emisari special amerikan për dialogun nga Administrata Trump, Richard Grenell, ka reaguar lidhur me vendimin e kryeministrit Albin Kurti, për veprimet me rregulloren e re të BQK-së.
Grenell përmes një postimi në X, tha se Kurti duhet të ndalojë së vepruari njëanshëm nëse dëshiron që amerikanët të mbrojnë sigurinë e rajonit përmes trupave të NATO-s.
”Nëse Albin Kurti dëshiron që amerikanët të vazhdojnë të paguajnë dhe të mbrojnë sigurinë e rajonit përmes trupave të NATO-s, atëherë ai duhet të ndalojë së bëri lëvizje të njëanshme që rrezikojnë sigurinë e 572 burrave dhe grave amerikane nga Teksasi, Oklahoma, Ioëa, Rhode Island (dhe së shpejti do të jetë Gjeorgjia ) që aktualisht shërben në Kosovë”, thotë Grenell.
”Sjellja e tij e çrregullt duke injoruar kërkesat e komunitetit ndërkombëtar nuk mund të hidhet poshtë më nga ekipi Biden dhe Senati i SHBA. Ai po rrezikon jetën e amerikanëve me veprimet e tij. Ai duhet të ndalojë luftën e tij – ose trupat amerikane duhet të tërhiqen në shtëpi për shqetësime sigurie”, tha Grenell.
