Serbja që e mori fletëqortimin e parë, thotë se nuk planifikon ta riregjistrojë veturën në RKS
Policia e Kosovës raporohet se e ka dhënë qortimin e parë për një veturë me targa ilegale.
Sipas raportimit të portalit serb, “Kosovo Online”, një qytetareje serbe në veri të vendit i është lëshuar fletëqortimi në vendkalimin kufitar në Jarinje.
Ajo ka thënë se zyrtarët policorë i kanë dorëzuar asaj një fletqortim për riregjistrimin e veturës me targa RKS.
Më tej, ajo ka thënë se nuk planifikon ta regjistrojë veturën në RKS dhe se është në pritje.
Kujtojmë se nga sot ka filluar pjesa e parë e vendimit të Qeverisë së Kosovës, që është qortimi i drejtuesve të veturave me targa ilegale.
