Eliminohet nga gara për gjyqtare në Gjykatën Kushtetuese e vetmja grua që synonte këtë pozitë
Komisioni i posaçëm për shqyrtimin e dokumentacionit të paraqitur nga kandidatët për emërim në Gjykatën Kushtetuese, të premten ka shqyrtuar nominimet e kandidatëve për gjyqtar të kësaj gjykate.
Në takimin e sotëm u shqyrtuan kandidaturat e të nominuarve, ku komisioni konstatoi se kandidatja Milka Milosavljevic, që ishte e vetmja kandidate grua në këtë proces, por që nuk e kishte kompletuat dosjen e saja me dokumentet e nevojshme edhe pse një gjë e tillë i ishte kërkuar, prandaj komisioni unanimisht vendosi që të njëjtën ta eliminoi nga gara, raporton “Betimi për Drejtësi.
Ne vazhdim, komisioni bëri vlerësimin e kandidaturave tjerë të nominuar, ku konstatoi se të gjithë i plotësojnë kushtet ligjore për konkursin në fjalë.
Në këto rrethana, komisioni vendosi qe testi me shkrim të mbahet me 17 tetor 2022, duke filluar nga ora 9:00, ndërsa, intervista të mbahet me 24 tetor 2022.
Procesi për emërimin e dy gjyqtarëve në Gjykatën Kushtetuese ka dështuar dy herë radhazi, si mungesë e votave të mjaftueshme në procesin e votimit në dhjetor të vitit 2021 dhe maj të këtij viti.
Komisioni i Posaçëm për këtë çështje, kishte shpallur konkursin publik për herë të tretë në shtator të këtij viti, me ç‘rast u nonimuan gjashtë (6) persona për gjyqtarë në Gjykatën Kushtetuese. Betimi për Drejtësi.
